Publicado por Emilio Castro en 27/11/09 20:02h mensajes: 537

I+D+I

Os investigadores acusan de falsear datos a Garmendia

A FJI denuncia que só se inviste o 1,35% do PIB cando o PSOE prometía o 2%

E.P.

A Federación de Mozos Investigadores-FJI recordoulle onte á máxima responsable de Ciencia e Innovación que "non hai nada máis perverso que falsear a realidade para enganar os cidadáns", en relación coa situación que "vive" España en materia de I+D+i.

"A ministra declarou no Pleno do Congreso do 18 de novembro que as estatísticas do INE demostraban que o PSOE dedicara máis diñeiro á I+D+i en catro anos que o PP. A ministra debeu esquecer a cita do primeiro ministro do Reino Unido que dicía que hai tres tipos de mentiras: mentiras, grandes mentiras e estatísticas", comentan. Na súa opinión, o incremento do PIB en I+D+i durante o período 2004-2008 foi do 64%, "menos da metade do que se realizou no período 1996-2004, que foi do 132%". "Tras máis de cinco anos do goberno socialista é hora de que empecen a argumentar con méritos propios e non con deméritos alleos", agregan.

Así, cualifican de "insultante" que Garmendia "queira esquecer" que as cifras demostran que o investimento español en I+D+i está no 1,35% do PIB, "moi lonxe do 2% que o programa electoral do PSOE do 2004 marcaba como obxectivo para 2010", indicou. "A última medida do Goberno, o plan INNpulso, non é senón unha ópera buffa que inclúe como axudas á investigación a construción de carrís-bici ou a ampliación de vertedoiros. ¿Será para situar os investigadores Ramón y Cajal que acaban o seu contrato e van á rúa?", apostilan.

http://www.galicia-hoxe.com/index_2.php?idMenu=78&idNoticia=491568